முருகன் துதிப்பாடல்

முத்தைத்தரு பத்தித் திருகை

அத்திக்கிறை சத்திச் சரவண

முத்திக்கொரு வித்துக் குருபா எனவோதும்

முக்கட்பர மற்குச் சுருதியின்

முற்பட்டது கற்பித் திருவரு

முப்பதுமு வர்க்கத் தமரரு மடிபேணப்

பத்துத்தலை தத்தக் கணைதோடு

ஒன்றைக் கிரி மத்தைப் பொருதொரு

பட்டப்பகல் வட்டத் திகிரியி லிரவாகப்

பத்தற்கிர தத்தைக் கடவிய

பச்சைப்புயல் மெச்சத் தகுபொருள்

பக்ஷத்தொடு ரக்ஷத் தருள்வது மொருநாளே

தித்தித்தெய வொத்தப் பரிபுர

நிர்த்தப்பதம் வைத்துக் பயிரவி

திக்கொட்கந டிக்கக் கழுகொடு கழுதாடக்

திக்குப்பரி யட்டப் பயிரவர்

தொக்குத்தொகு தொக்குத் தொகுதொகு

சித்தரப்பவு ரிக்குத் த்ரிகடக எனவோதக்

கொத்துப்பறை கொட்டக் களமிசை

குக்குக்குகு குக்குக் குகுகுகு

குத்திப்புதை புக்குப் பிடியென முதுகூகை

கொட்புற்றெழ நட்பற் றவுணரை

வெட்டிப்பலி யிட்டுக் குலகிரி

குத்துப்பட வொத்துப் பொரவல பெருமானே

-அருணகிரிநாதர்